جب تک دہشت گرد افغانستان سر زمین کو پاکستان اور دیگر ہمسایہ ممالک کیخلاف استعمال کرتے رہیں گے، خطے میں کبھی امن قائم نہیں ہوگا، ایس سی او اجلاس سے خطاب

اسلام آباد (بی این آئی) وزیراعظم شہباز شریف نے شنگھائی تعاون تنظیم (ایس سی او) کے اجلاس سے خطاب کرتے ہوئے کہا ہے کہ جب تک دہشت گرد افغانستان سر زمین کو پاکستان اور دیگر ہمسایہ ممالک کے خلاف استعمال کرتے رہیں گے، خطے میں کبھی امن قائم نہیں ہوگا۔ انہوں نے کہا کہ پاکستان دہشت گردی کے خلاف جنگ میں سب سے آگے ہے اور اس نے لازوال قربانیاں دی ہیں۔ وزیراعظم نے کہا کہ بھارت کے ساتھ مذاکرات کے بغیر خطے میں پائیدار امن ممکن نہیں ہے، بھارت کو چاہیے کہ وہ مقبوضہ کشمیر میں انسانی حقوق کی پامالیاں بند کرے اور اقوام متحدہ کی سلامتی کونسل کی قراردادوں کے مطابق مسئلہ کشمیر کو حل کرنے کے لیے سنجیدہ اقدامات کرے۔